منتديات الأحباب
انت غير مسجل بالمنتدى ... يرجى التسجيل
منتديات الأحباب


 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  
انتبهوا : اليكم الخبر السار انتهينا تقريبا من منتدانا الجديد www.internetgate.info يمكنكم الأن البدء مع الناس الأخرين فى المشاركة بالمواضيع و الأراء
قريبا جدا سننشأ على الموقع جزء مخصص للفيديوهات كمثل YouTube بل افضل فى التصميم و بعد بنائه تستطيعون بعدها رفع فيديوهاتكم

شاطر | 
 

 عاوز اعقد علي الكمبيوتر هنعمل ايه؟؟ لازم نستحملهم...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Smiley Girl
مشرف
مشرف


انثى
عدد الرسائل : 667
العمر : 25
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: عاوز اعقد علي الكمبيوتر هنعمل ايه؟؟ لازم نستحملهم...   الأربعاء يوليو 16, 2008 10:37 am

بسم الله الرحمن الرحيم

ازيكم ,,عاملين ايه

يارب تكونو بألف خير وسعادة...

ندخل في الموضوع بقا


فى مشكله بتواجه كل بيت لما بيكون فيه اخوات و جهاز كومبيوتر... هيقسموه ازااااى؟؟

و طبعا زى ما احنا عارفين كل يوم بيحصل السيناريو التالى:

صحينا الصبح......

قام الواحد قاعد على الكومبيوتر... ييجى اخوه..

الاخ: يالا قوم انا عايز اقعد

انت: شويه انا مالحقتش

الاخ: انت مش قاعد من ساعتها

انت: انا ما كملتش ساعتين على بعض

الاخ:طب هتقوم امتى؟؟؟

انت: نص ساعه و هقوم

الاخ: طيب اول ما العقرب ييجى على ال8 هتقوم على طول

انت: خلاص بقى عرفنا طاب والله لمزود دقيقتين على تضييع الوقت ده


...... فات عشر دقايق

جات الاخت.....

الاخت: قوم بقى انا عايزة اقعد اسمع شويه اغانى

انت: يا ناس ارحمونى كل شويه واحد هييجى يقولى عايز اقعد

الاخت : وانا مالى انا عايزة اسمع شوية اغانى انت قاعد من ساعتها سيب اللى ما قعدش يقعد يا انانى

انت: يااااا رببببببب طب ثوانى اخلص الكام برنامج اللى فى ايدى

الاخت: دلوقتى يالااااا.... سيبك من البرامج و الهبل بتاعك ده

انت: طب دى برامج الوينامب والريل وان ... لازم عشان الاغانى اللى انت هتسمعيها

الاخت: ماليش دعوه مش عايزة حاجه

انت: يولع الجهاز على اللى عايز يقعد عليه

... و تقوم و ترزع الكرسي فى المكتب.... وما تنساش تشد الفيشه وانت ماشي وركبها تانى

قعدت الاخت..... الكارثه الاكبر

الاخت: الاغانى مش شغاله ليه؟؟

انت: انا مالى انا مش قلتلك بعمل البرامج وانتى مرضيتيش

الاخت: ماهى كانت شغاله .. بطل رخامه ... انت عملت ايه فى الزفت ده؟

انت: يبنتى منا قولتلك احسن..... اولعى انا قولت من الاول

...ييجى الاخ الاولانى

الاخ: انتى قعدتى ليه؟ انتوا مش عاملينلى اعتبار فى البيت ده قومى يالا انا عايز العب سباق

الاخت: انا مالى انا لسه قاعده .....شوف اخوك بقى

الاخ: وانا ماليش دعوه ..اخوكى قالى نص ساعه وتعالى ماليش دعوه

الاخت: وانا مش قايمه

دقيقتين....

يغيب الاخ وييجى تانى

فجاه تلاقى حاجات رايحه وجايه وحاجات بتطير و ضرب ناار وزعيق

وينتهى الموضوع ..... تيجى انت وتشد الفيشه وتخلص من الموضوع ده

واول ما يناموا بليل تقعد انت بقى ولا وجع دماغ ولا نيله



التعليق على الموضوع:


الى جميع الشباب..

انا مقدرة اد ايه لما بتقعد على الجهاز مش بتقدر تقوم لان
النت والكومبيوتر عالم مفيهوش ملل يعنى مش هتقدر تقوم....
واد ايه انا مقدرة خوفك على جهازك وبتبقى مولع لما حد يقعد
عليه و بتخاف طول ما حد قاعد وتقول لالا ما تدوسش ده هيعمل كذا وكذا


طبعا كل ده معروف لكن ما تنساش نقطتين:

1_ البنات عايزة اللى يسكتها يعنى قالتلك هتسمع شويه اغانى ..
قوم وابقى اقعد تانى بعدين عشان كل ما هتعاند هى هتعاند اكتر..
ومفيش انشف من راس البنت.. هتخليك تقوم يعنى تقوم.. هتروح تقول
لبابا وماما و فى الاخر قلبهم مش هيستحمل انها تقعد كده زهقانه..
فهتقوم هتقوم.............. يعنى اول ما تطلب منك حاجه زى دى قولها
براحتك خالص وهى شويه هتتخنق و تقوم.... وماتنساش ما تزنش عليها
كتير.. يالا قومى قومى قومى عشان هتقولك و الله ما انا قايمه ..يالا بقى .... راعى النقطه دى



2_اخوك التانى لو كان طفل.... يبقى ربنا يكون فى عونك هيفضل
يقولك عايز اقعد طول النهار.... اهم حاجه عشان ما تخليهوش طول
النهار يعمل كده.. اشغله بحاجه تانيه يعنى تلفزيون او كرتون و كده... ان مانفعش سيبه يقعد ولما تعوز تقعد بقى.....خده براحه خاااالص واعمل فيها ضعيف وغلبان و هو قلبه هيرق و يقوم على طول


لو كانت طفله بقى مش هتفكر تقعد اصلا... ولو عاندت .. معاها بنفس الطريقه


ملاحظه هاااااااامه جدا:
لاتقوم بحذف اى ملفات او العاب او اغانى لاخواتك عشان هيدوروا على حاجه اكبر يعملوها يعنى الاغنيه هتبقى فيلم والفيلم يبقى مسرحيه والليله هتبقى طويله


فى الاخر ما تحاولش تعمل اى نوع من العناد بينك و اخواتك عشان يعرفوا يسيبوك براحتك
وما تحاولش تقسم الوقت بينك و بينهم لان الحياه كلها ظروف و طوارىء و اكيد يا انت يا هما هتتظلموا وبكده تكون رجعت للسلمة الاولى


وما تقلقش الموضوع بيتكرر كل يوم فى كل بيت ... بس الصراع ده لازمله حل
كله يستحمل بعض
كله يصبر على التانيين
ماتفتكرش ان مفيش غيرك لو عندك اخوات يعنى
خلى الايثار من طبعك

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشق المستحيل
مشرف
مشرف


ذكر
عدد الرسائل : 532
العمر : 34
مستوي الانذار : 0%
السٌّمعَة : 1
تاريخ التسجيل : 07/07/2008

مُساهمةموضوع: رد: عاوز اعقد علي الكمبيوتر هنعمل ايه؟؟ لازم نستحملهم...   السبت أغسطس 09, 2008 12:56 am

الله عليكـ يااغزال
يسلمووووو خيووووووو

يعطيكـ مليوون صحه وعاافيه يااغاالي

نـنـتـظـر جـديـدكـ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Smiley Girl
مشرف
مشرف


انثى
عدد الرسائل : 667
العمر : 25
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: رد: عاوز اعقد علي الكمبيوتر هنعمل ايه؟؟ لازم نستحملهم...   الإثنين أغسطس 11, 2008 2:56 pm

شكرا سيف
منورني بمرورك اخي الكريم

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عاوز اعقد علي الكمبيوتر هنعمل ايه؟؟ لازم نستحملهم...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأحباب :: «®°·.•¸°§ الأقــســـام الترفيهية §°.•¸.°®» :: منتدى النكت و المقالب-
انتقل الى: