منتديات الأحباب
انت غير مسجل بالمنتدى ... يرجى التسجيل
منتديات الأحباب


 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  
انتبهوا : اليكم الخبر السار انتهينا تقريبا من منتدانا الجديد www.internetgate.info يمكنكم الأن البدء مع الناس الأخرين فى المشاركة بالمواضيع و الأراء
قريبا جدا سننشأ على الموقع جزء مخصص للفيديوهات كمثل YouTube بل افضل فى التصميم و بعد بنائه تستطيعون بعدها رفع فيديوهاتكم

شاطر | 
 

 يبقـــــــى انت اكيد اكيد فى مصـــــر .. وربنا يخللنا ليـــها

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Smiley Girl
مشرف
مشرف


انثى
عدد الرسائل : 667
العمر : 24
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: يبقـــــــى انت اكيد اكيد فى مصـــــر .. وربنا يخللنا ليـــها   الإثنين يوليو 14, 2008 12:09 pm


\

اكيد كل واحد فينا بيفتخر انه مصرى ولو سألتك انت مصرى
تقولى مصرى ابن مصرى وابن مصر الله عليه
واوعى حد يتريق ويقول عاملة فيها صاصا عجرم
لا شوية جد بقـــى



كام واحد لسة بيلمع الشوز بتاعه؟
قبل ما ينزل الصبح؟؟
ايه يا جماعة مش تتخضوا كدة
لو فى ناس لسة بتعمل كدة
والله بجد تتحسد لان تلميعها مش بقى ليه لزمة
لما تلاقى انك اول لما تخرج من باب البيت بتتبهدل تانى
من التراب اللى بقينا نشمـــــه بدل الاكسجين
دة حتى البنات شالوا الشرط دة من الشروط اللى بتكون فى
اى عريس متقدم دة لو لسة فى ناس نفسها مفتوحة وبتتقدم!!
على فكرة مش تستغرب انت كدة اكيد اكيد فى مصـــــــر





ولما تيجى تعدى الشارع وتلاقى العملية دى صعبة مووت
دة لو مش كان مستحيل لانك بالنسبة لسواقين الميكروباص
حاجة كدة آخرها تكون تحت كاوتش العربية لو حصل بعد الشر
بعد الشر يعنى يبقى انت اللى غلطان وماشى تايه ودماغك مش فيك
وبعدين انت فاكر تعدية الشارع دى سهلة كدة مش محتاجة يعنى ختم
وزارة الميكروباصات وتوقيع 2 سواق من اللى بيبقوا عاملين دماغ دول
يبقى انت اكيد اكيد فى مصـــــــــر





ولما تركب اى ميكروباص او اتوبيس وكل اللى تعرف تشوفه
هوه سورى يعنى قفــــا اللى اودامك يبقى انت اكيد اكيد فى مصــــــــر





ولما تحاول تدفع فاتورة التليفون وتلاقى
الكمبيوتر عطلان وطبعا لاننا دولة متقدمة جدا جدا
مش هتلاقى الا كمبيوتر واحد بس ومهنج - من هنج يهنج فهو مهنج - يعنى
مش ليه مزاج يشتغل ولو اتعطفوا علينا وشغلوه تقف طنط اللى فى اول الصف
تدفع الفاتورة لاصحابها وقرايبها وجيرانها تاخد لوحدها ساعة الا ربع
ما احنا شعب طيب اوى والخير بيجرى فى دمنا وعروقنا
يبقى انت اكيد اكيد فى مصــــــــــر





ولما تدخل اى مصلحة حكومية وتلاقى الموظفين مش لاقيين شغل يعملوه
غير قراية الجرايد والمجلات واسرار الطبيخ وكيف تسعدين زوجك؟
يبقى انت اكيد اكيد فى مصــــــــر





حاولت توقف تاكسى؟
لما تبقى عايز توقف تاكسى يبقى لازم تستشير رأى حضرة الاستاذ
المحترم سواق التاكسى فى المكان اللى انت عايز تروحه ويابختك وتبقى
مامتك دعيالك لو المكان اللى انت عايز تروحه مناسب لمزاج حضرته
دة غير بقى الاجرة اصل انت مش واخد بالك انت قاعد لوحدك على الكرسى
مش فى حد على رجلك انت فاكر نفسك فى ميكروباص ولا ايه يعنى احمد
ربنا وبوس ايدك وش وضهر لانك اكيد فى مصــــــــــر




لما تبقى خاطب بقالك 3 او 4 سنين ولسة مش عارف تتجوز
يبقى انت اكيد اكيد فى مصــــــــر





يا جماعـــــة انا اكيـد اكيـد بحب مصر مش عشان فيها شعبي وناسي
لا علشان هي بلدي
عشان بس مش حد يتهمنى بالخيانة العظمى
بس صراحــة مش عاجبنـــــى اللى فيها
ومع انـها احســن مكــان فى الدنيــــا
لكن ................ للأسف ..........

الكلام يا جماعه مش علي مصر اللي هي المكان
لالالالالالالالالالالالالالا
الكلام علي المواطنين الناس الشعب

مع تحياتى


_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
cindbad
مشرف
مشرف


ذكر
عدد الرسائل : 791
العمر : 26
مستوي الانذار : 0%
السٌّمعَة : 0
تاريخ التسجيل : 19/01/2008

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الإثنين يوليو 14, 2008 12:58 pm

كلامك كله صح بس نعمل ايه في الناس اللي مخها لسه علي قدها Smiley فعلا يا
الله يكون في عون الجميع
وان لله وان اليه راجعون
وعلي فكره مصر مش للمصريين لان المصريين بقوا هم الغرب في بلدهم والاجانب هما الاسياد
واكيد كلنا شايفين كده عشان كده اي شاب تلاقيه عاوز يسافر باي طريقه هربان من الناس ومن البطاله ومن الظلم
الله يكون في عونا ويسترها معانا
وميرسي علي الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RoofMan2008
مؤسس الشبكة
مؤسس الشبكة


ذكر
عدد الرسائل : 1228
العمر : 26
مستوي الانذار : 0%
السٌّمعَة : 0
تاريخ التسجيل : 10/09/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الإثنين يوليو 14, 2008 3:41 pm

كلام سندباد و كلام سمايلى حقيقى فعلا و بنشوفوا كل يوم مصر خلاص مبقتش بتعتنا ربنا يعوض علينا Sad Crying or Very sad

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://silkroad.shareblog.net
RonyGirl
مشرف
مشرف


انثى
عدد الرسائل : 491
العمر : 25
مستوي الانذار : 0%
السٌّمعَة : 0
تاريخ التسجيل : 13/07/2008

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الإثنين يوليو 14, 2008 11:29 pm

عندك حق يا مونى

بس يا جماعة خلونا واقعيين شوية

البلد خربت

كلنا بقينا بنحس بالغربة جوا بلدنا الى احنا اتولدنا فيها

مصر الى هيا ام الدنيا خربت

متسالوش مين الى خربها لاننا كلنا عارفين مين

و لما بنيجى نقول كلمتين زى دول بنخاف يتقبض علينا

بنخاف نروح ورا الشمس

و هنروح ورا الشمس فى سبيل مين؟...مش فى سبيل مصر؟

خلاص مبقاش فى وطنية..

كل واحد اول ميعوز يكون نفسه يسفار برة

ال ايه عشان يشتغل

و يرته بيشتغل شغلانة عدلة

بيتبهدل برة بلده بدل ما يتبهدل جواها وسط اهله

الى يوم ما عنيه هتدمع هيلاقى الف ايد تمسحله دمعته و يوم ما يقع هيلاقى مليون ايد بتتمدله عشان تشده و يوم ما يتعب هيلاقى كل الناس جنبه

الاسعار عمالة بتغلى ولا حد بيتكلم

ولا حد بيقول كفاية

بالعكس الاستهلاك بيزيد

الناس خلاص بقت بتخاف..بتخاف تقول لاء لحسن تدفن بالحياه

فى الدول المتقدمة الاسعار بتزيد كل 6 شهور و بتزيد معها المرتبات

مش زى هنا الاسعار بتزيد كل يوم

هقول ايه ولا ايه ولا ايه

الا مبالاه بقت من صفات المصريين

بعد الكلام ده كله انا مش خايفة يجرالى حاجة..لانى مصرية..و مش بس ببص على الجرء المليان من الكوباية والى اعتقد انه مش موجود اصلا انا ببص على النص الفاضى عشان املاه...مش خايفة لان مهما جرالى...الناس هتقول عليا دى جرلها عشان بلدها...عشان بتحب بلدها عشان عايزة مصر تبقى ام الدنيا تانى


يا خسارة يا بلد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DonaBaby
مشرف
مشرف


انثى
عدد الرسائل : 288
العمر : 31
مستوي الانذار : 0%
السٌّمعَة : 0
تاريخ التسجيل : 20/11/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الثلاثاء يوليو 15, 2008 1:27 am

والله يا جماعة كلمك كله صح
والموضوع بقي صعب جدا في مصر
احنا عايشين فيها وفي نفس القوت مش عايشين
وللاسف خارج مصر اول مايعرفوا انك مصري بنتعامل معامله العبيد للاسف
نفسي مصر ترجع زي زمان ايام السادات
كانت فعلا البلد حلوة وكان لينا قيمة
ربنا يصلح حالنا
تقبلي مروري

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Abraam
عضو نشيط
عضو نشيط


ذكر
عدد الرسائل : 330
العمر : 27
مستوي الانذار : 0%
السٌّمعَة : 0
تاريخ التسجيل : 21/12/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الثلاثاء يوليو 15, 2008 11:00 am


الله علي كلامك فعلا كلامها مظبوت

بس يا جماعه احنا زي ما نبص علي الي بتعمله الناس نبص كمان علي الي بنعمله احنا بمعني

ان لو انت مثلا رايح تدفع فاتوره التليفون -مثلا يعني- ولقيت طبووووور كبيييييييييييييييييييييييير من الناس الي واقفه علشان تدفع الفاتوره ولو بصيت علي الي بيحاسب الناس او الي بيتعامل مع الناس ولقيت ان هو يعرفك السؤال بقي

حتروح وتخلص حاجتك وتبقي مبسوط ؟

ولا حتفضل واقف في دورك اكتر من ساعه او ساعتين ؟

بعد ما تجاوب علي السؤال فكر لو انت واقف في الطابور اديلك اكتر من ساعه والراجل عمال يمشي الناس الي يعرفهم

ده مش معناه ان احنا بس الي بنعمل الغلط لا انا قصدي احنا بنتأثر بالي بيحصل حوالينا يعني بنشوف الغلط ونعمله تحت عباره ( اشمعني هما)

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Smiley Girl
مشرف
مشرف


انثى
عدد الرسائل : 667
العمر : 24
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الثلاثاء يوليو 15, 2008 11:05 am

تمام يا ابرام كلامك مظبوط اكيد
اي انسان بيتأثر بالبيئة وبيأثر فيها
وبيتأثر باسلوب الناس وبيأثر فيه
اكيد انا معاك يا ابرام وكلامك تمام

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Smiley Girl
مشرف
مشرف


انثى
عدد الرسائل : 667
العمر : 24
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الثلاثاء يوليو 15, 2008 11:08 am

مصر الى هيا ام الدنيا خربت

متسالوش مين الى خربها لاننا كلنا عارفين مين

رنون انتي ناوية تخلينا ناكل عيش وحلاوة تاني ولا ايه
مكفاية اول مرة Wink
يا خسارة يا بلد
ايوة هو ده الكلام يا خسارة يا مصر وربنا يستر علي اللي جاي

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Smiley Girl
مشرف
مشرف


انثى
عدد الرسائل : 667
العمر : 24
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: رد: يبقـــــــى انت اكيد اكيد فى مصـــــر .. وربنا يخللنا ليـــها   الخميس أغسطس 14, 2008 10:39 pm

اقتباس :
وعلي فكره مصر مش للمصريين لان المصريين بقوا هم الغرب في بلدهم والاجانب هما الاسياد
واكيد كلنا شايفين كده عشان كده اي شاب تلاقيه عاوز يسافر

لا يا سندباد الشباب بيهاجرو من مصر علشان البطالة ومش لاقين شغل والاسعار غلت نار
واسباب انهم مش لاقين مكان يسكونو فيه
حاجات تانية غير ان مصر مش بتاعت المصريين
لأ مصر بتاعتنا وكل حاجة
بس الناس طباعها اتغيرت
البلت خربت كلو بياكل في كلو

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يبقـــــــى انت اكيد اكيد فى مصـــــر .. وربنا يخللنا ليـــها
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأحباب :: «®°·.•¸°§ الاقسام العامة §°.•¸.°®» :: المنتدى العام-
انتقل الى: