نكت جامدة موت

موضوع: نكت جامدة موت الأحد يونيو 22, 2008 8:19 pm

نبدا علي طول لحسن انا سخن قوي

واحد جاب تلاته صعايده وحب يختبر زكائهم سأل الاول قاله مين اللى كسب اخر مره الاهلى ولا الزمالك قاله الاهلى طبعا سأل التانى مين اللى كسب فى الحرب المانيا ولا الحلفاء قاله الحلفاء طبعا سأل التالت فهمت ايه من اجابه زمايلك قاله المانيا هاتلاعب الزمالك على التالت والرابع
--------------------------------
مدير مدرسة عمل فرح وزع على المعازيم أرقام جلوس
--------------------------------
واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت.
----------------------------
مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال: معلش أصل شكلها كدة النهاردة آخر حلقة.
---------------------------------
مرة سواق تاكسي قابل واحد مسطول قال له تاخد كام و توديني فين؟؟ السواق رد عليه و قاله: هات اللي تجيبه و انزل هنا.
---------------------------------
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
----------------------------
بتقول الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى السكة؟؟؟ قالت له : لأ ماما هتعيش معانا
-----------------------------
واحد بلدياتنا عاوز يفسح عروسته في شهر العسل، فسحها في منحل
---------------------------
معلم لغة عربية قال : وقفت السيارة فى المكان الممنوع ...ثم سأل أحد التلاميذ أن يعرب كلمة السيارة فقال التلميذ: فاعل مرفوع بالونش
------------------------
مرة واحد دماغه لفت قابلها من الشارع التاني
---------------------------
مرة وحدة وحشة جدا بتقول لزوجها نفسى ابقي
عصفورة قال لها وانا نفسى ابقا بندقية
---------------------
واحد اهلاوى و قع اكسر .... جابوا له اتنين مقاولين
-----------------
الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا
-------------------
مره واحد بيسأل صاحبه عارف ليه الدكتور بيخبي وشه وبيحط كمامه وهو داخل غرفة العمليات ؟؟؟ فقال له ليه ؟ قال له علشان محدش يعرفه من اهل المريض لو العمليه منجحتش
-------------------
سكران مسكوه المباحث قالو له اركب ورا
قال لهم لا لازم اسوق
-------------------
واحد سكران دافن نفسه تحت الارض ليه ؟؟ بيصور كليب انا عايش و مش عايش
-------------------
واحد دخل مطعم قال : عندك حلقات بصل ؟ رد عليه : نعم . قال : عطني الحلقة الاخيرة
-------------------
مدرب كرة قاعد فى قهوة ..... طلب واحد قهوه وسط ... وأثنين هجوم
--------------------

ارجو ان يكون الموضوع قد نال اضحكاكم

_________________

ازيك ي احمد باشا والله واحشنى يا مان معلش انت عارف بقى كنت بمنتحن
انا فعلا عايز شوية النكت دول بعد الامتحانات الصعبة موت موت موت مووووووووووووووووووووووووووووووووووت

_________________

I`m Back

ربنا معاك يا دحدح و يا رب بالنجاح انشاء الله و افضل مجموع

_________________