منتديات الأحباب
انت غير مسجل بالمنتدى ... يرجى التسجيل
منتديات الأحباب


 
الرئيسيةالرئيسية  س .و .جس .و .ج  بحـثبحـث  التسجيلالتسجيل  دخول  
انتبهوا : اليكم الخبر السار انتهينا تقريبا من منتدانا الجديد www.internetgate.info يمكنكم الأن البدء مع الناس الأخرين فى المشاركة بالمواضيع و الأراء
قريبا جدا سننشأ على الموقع جزء مخصص للفيديوهات كمثل YouTube بل افضل فى التصميم و بعد بنائه تستطيعون بعدها رفع فيديوهاتكم

شاطر | 
 

 انا و الجواز و..........قفاك يا حبى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
RonyGirl
مشرف
مشرف


انثى
عدد الرسائل : 491
العمر : 25
مستوي الانذار : 0%
السٌّمعَة : 0
تاريخ التسجيل : 13/07/2008

مُساهمةموضوع: انا و الجواز و..........قفاك يا حبى   الثلاثاء أغسطس 19, 2008 9:56 pm

هوا...: بحبك بحبك ..بحبك للصبح ..لأ...لبعد بكرة الضهر .............لأ لأ........بحبك للتلات الجي بعد صلاة الجمعة..........مممموه..(بوسه)..!!



هي ..: وانا بحبك بحبك .....بعشقك ....علي بالي.......ولا انتا داري باللي جرالي .....عيشالك احلي سنين ..في العمر يا ضي العيين...مممموه..(زيها .)!!





(بعد سنتين ....!)




خطيبها ..: بقوِللك بعد إذنك يعني ماتدخليش ماما كدا في كل حاجة ..انتي مش مخطوبة لكيس لبن نيدو هنا .انتي فاهمة....؟!!..لكدا ..لإما الباب يفوت دبابة ..ماشي يا حلوة؟؟؟!(لازم ادبحلها القطة امال إيه ؟..هع)




خطيبتهلبن نيدو؟ ..لبن نيدوياحتةمتخلف ..يامتحدي الاعاقة ..)..م...معلش ..معلش يا بيبي والله ..مش قصدي خالص ..وبعدين ايه قطة دي ههههه ..انت عسل كدا ليه النهارده.(عسل اسود ومنيل. .يخربيت اللي تتجوزك..)..!!




(بعد ست سنين ..وأربع أشهر ..ويومين ونص ..)





مراته..: جبت السجادة من بره بعد ما نفضتها.؟؟....كويس ...اوعي تسيب البامية كتير عالنار لتشيط هه...واعمللي شوية فشار عشان المسلسل بتاع فيفي عبده كمان نص.....تفووو.. سوري مش عليك ..دي قشرة اللب ...!!




جوزها :....( الصبر....الصبببرررر...ولقد عجز الصبر عن صبري ..حتي لم يصبر صبري علي صبري.!!)....!!!





* * *




هل من الممكن ان تتحول حدائق الزهور الي امكنة كالقبور ...!

هل يمكن ان تختفي زقزقة العصافير ...لتظهر اصوات اخري ....كنهيق الحمير.....!!
هل يمكن لملاك يعيش علي الارض ...تحبه يوما ..فيقص اجنحته ..وتطول اذناه ..و يتسلي بلف ذيله الطويل علي رجل الكنبة مثلا ...!!




تقريبا ..وبنسبة 75% ماشفتش حد متجوز بقاله فترة كدا الا و أشوفه كمان فترة دقنه طويلة وهدومه مكرمشه ..جفونه سودا..وبيكتب جواب ..وماشي ناحية كوبري قصر النيل ..

تسأله مالك يا مواطن ..؟ يقوللك معكش قلم ....؟ .. تقوله ليه ..يقوللك .هاكتب وصيتي قبل ما ارمي نفسي من عالكوبري في النيل ...!..تفتكر دلوقتي الميه تبقي سقعة ..لحسن يجيلي برد وأنا بموت ..
انا بكره الزكام أوي ...!!!!
..طبعا هنا البوب هيس ..يعني مش اكتئاب وبس ..لأ كمان دي قلبت كلابي ...والسؤال ....




اللي ممكن يعمل كدا في بني آدم ...ايه اللي في الجواز يخللي الرجالة طول الليل تبقي عالقهوة ..والستات قرفانة من حياتها وعمالة تفش غلها في الخدامات ..(عن طريق الضرب ..)....والاطفال ..(عن طريق الزعيق..)..والسجاجيد ..( عن طريق التنفيض ..!)....هه ..تتخيل ايه ممكن يخللي الحب جميييل كدا ..في الاول ..

والولد يبقي ليه نافش ريشه كدا ..والبنت الي حد ما لطيفة ....وفي الجواز بتقعد هي تتفرج عالتليفزيون ..وانت قاعد بتعمللها فشار ...!....نحاول نحل اللغز هنا ................






ونشوف الفيلم ...:











. ..بتنفعل ليه ..:




شوف يا شقيق ..:..أنت مش بنت ..وأدام مش بنت يعني عمرك ماهتبقي حريص في علاقتك بالجنس الاخر وحذر زي ماهما بيعملو ..!.ويارب نفهم ...انت من الاخر عايز تلعب وواخد المسألة تنفيخ.. مش علي صدرك ..ومن هنا بقي ..لما بتتجوز...: بتقعد تكح ..!!......انت من الاخر مش خسران ...والحب عندك كلمة وشكرا ..والبنات حلوه وجمالهم بيدوخك ..ودة اللي بيخليك تكدب كتير في مسألة الحب دي..بس انت الصراحة عندك حق ..انت كدا ..وهيا دي ظروفك ..هنصعبها علي نفسينا ليه ....وأدام عمرك ما حاطط الجواز في دماغك ..(والمأساة اللي انت مش عامل حسابها : انك كدا كدا هتتجوز!)..يبقي في الجواز ..: انت خسران علي طول الخط ...ازاي هتكسب في حاجة انت مش مستعدلها اساسا ..مش حاططها في دماغك ...وعمرك ما تخيلت انك تبقي في وسطها وتتعامل معاها في يوم من الايام...!!





اما علي الناحية التانية ؟..:البنت لازم تاخد بالها ..نو واي ...مافيش تهريج ..المسألة هنا حياة أو موت ..


الولد بيقوللي بحبك ..وايه يعني ..الحب بكل اغانيه وأشعاره وقصصه والهالة الكبيرة والنفخة الكدابة ما فتحش بيت واحد ...والجواز بكل اللي بيتقال عنه ده ..هو السبب الاساسي لفتح البيوت و مجي العيال ..!!..عمر ما في طفل في العالم دة جه الدنيا بالحب بس ...الجواز ..هو الصح ..مش مهم الصح دة يبقي عامل ازاي ...المهم يبقي صح ..!




والحل ..: .انا رايح حته بعيدة ..بس بمشي لاني مبسوط برجلي اوي ..بس كدا كدا هتعب ..ولازم اركب المواصلة توديني ؟..يبقي احوشلها فلوسها من دلوقت..!!........قيس علي كدا العبارة الجاية :


عايش حياتي ..ومش حاطط الجواز في دماغي ..بس كدا كدا هاتجوز ..يبقي استعد له من دلوقت ..!!











شايف؟؟..انت ده موقفك يا مونبيه.!!.رذل وهيا زي السكر معاك ..بذمتك مش مكسوف من نفسك وانت ايدك ماسكه الغطا كدا ..ونفسك تاخد ديلك في سنانك وتطير..








استعد للجواز ..عشان ما تخليكش هي تنفض السجاجيد ..!:




مثال تنفيض السجاجيد ..وعمل الفشار للست مراتك ..وتبادل الادوار اللي حاصل ..ده كوميديا سودا..ومواقف حقيقية بتحصل بجد مش تهريج ...وحصل فعلا يعني (ودة مثال يبكي الحقيقة..) ان واحدة وجوزها بيشترو حاجات ..في محل للملابس ..وحصل بينهم اختلاف ما ...و فجأة الكل سمع صوت ألم محترم ...!! مكانش من الزوج للزوجة للاسف ..كان من الزوجة علي وش المحروس ...!!...
(زوجة تضرب زوجها لضعف شخصيته..وثانية لأنها ترفض العيش في دور امينة وسي السيد ..وثالثة تعتدي علي زوجها لغيرته الشديدة..وأخري تفتح رأسه من اجل مصاريف المنزل ....40% من الازواج يضربون علي يد زوجاتهم ..!!!!).........الكلام اللي بين القوسين ده من مجلة الشباب بالنص بتاريخ اكتوبر 2005..!!
شخصيتك ..شخصيتك ..شخصيتك..انت .او أنتي ..هيا اللي بتحدد الحياه بعد الجواز عامله ازاي .. وكفة الميزان مع واحد بس ( ودة الغلط..).او بالتبادل ....( وده الصح ..)...وشخصيتك اللي بتتعامل بيها مع مراتك .او بتتعاملي بيها مع جوزك بتيجي من الاهتمام بالجنس الاخر من الصغر من التعامل في محيط الاسرة ..في المدرسة والكلية ..والشغل ..والقراءة...واشياء أخري ......!!







دي حالتك ان ماسمعتش الكلام..:معفن ..ومالكش لزمة ..وهيا ماسكاك من قفاك كدا زي المخبرين ..

مش بعيد كمان تعملها فشار






واخيرا....... أجمل سطور عن هذا الموضوع ......:




الحب سفينة ..والزواج سفينة...الحب سفينة يستقلها عاشقان للنزهة..والزواج سفينة يقودها رجل وامرأه..
الحب يكتفي بالنزهة ويدع لقائد السفينه مهمة الكفاح مع الامواج والرياح والعواصف ..والزواج عمله الاساسي
هو مواجهة هذه العواصف ....
و النزهة هي عمل العشاق ..والكفاح هو عمل الأزواج ..
الحب حالة عقلية ...والزواج وضع اجتماعي ....
الحب بكل شاعريته وعذوبته ومعجزاته التي يهزم بها المستحيل .. لا يستطيع ان ينجب لنا طفلا واحدا ..
اما الزواج فرغم ثقل ظله وسماجته فهو الوحيد القادر علي انجاب الأطفال ومنح الدنيا مزيدا من العقليات الجديدة والافكار ..وهذا هو السر في أن الحب ينهزم دائما أمام الزواج ..ويتلاشي فيه ..ويصبح زواجا..!!

_________________


خايفة اكون عايشة فى كدبة...و من حلاوتها خلاص صدقت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RoofMan2008
مؤسس الشبكة
مؤسس الشبكة


ذكر
عدد الرسائل : 1228
العمر : 26
مستوي الانذار : 0%
السٌّمعَة : 0
تاريخ التسجيل : 10/09/2007

مُساهمةموضوع: رد: انا و الجواز و..........قفاك يا حبى   الأربعاء أغسطس 20, 2008 12:04 pm

هههههههههههههههههههههههههههههه اخصمك اه اسيبك لا ههههههههههههههههههههههههههههههههههه


شكرا على الموضوع و الى بيكره الرجالة فى الجواز الستات عشان بجد بينفخوا الواحد و بعد ما الواحدة تخلف خلاص بقى كده اتمكنت من كل حاجة خلاص تبتدى تتحتكم يا عم بلا قرف Very Happy Very Happy

_________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://silkroad.shareblog.net
Smiley Girl
مشرف
مشرف


انثى
عدد الرسائل : 667
العمر : 25
مستوي الانذار : 0%
السٌّمعَة : 0
تاريخ التسجيل : 17/09/2007

مُساهمةموضوع: رد: انا و الجواز و..........قفاك يا حبى   الأربعاء أغسطس 20, 2008 1:56 pm

ههههههههههههههه ثباح الفل هههههههههههههههه
هي دي التوبيكس اللي تتقرا بعد غرفة العمليات
والله ضحكتيني وانا اصلا سناني تعبانة
ايه الجمالده ايه التوبيك ده ايه الهجس ده
وبعدين انتي عايزة مين ياهانم اللي يقمع البامية وينفض السجاجيد
والسجاجيد هتنفضيها ويتقسم وسطك ليه يعني
ولا البمية لسه هتقمعي هههههههههههه
ثم ان الفشار من واجبات الزوج مش كفاية عليها العيال
ههههههههههههههههههههههههههههههههه
بس تعرفي والله الستات غلابة جدا معندك ماما اهي وبابا بيلبسو احلي حاجة ولا تقولي بقا البنطلون ايه والجلبية الايه
انا مجربتش الموضوع ده غير في الافلام صراحة لان ماما ليها شغل البيت وبابا شغلو عادي جدا
بس ده ميمنعش ان ده موجود في الحياة
وانا احتتمال اجرب التجربة دي واشوف هينفض ويقمع ولا اسيبهالو تخررب
هههههههههههههههههههههههه
ههههههههههههههههههههههه Very Happy

_________________










الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
RonyGirl
مشرف
مشرف


انثى
عدد الرسائل : 491
العمر : 25
مستوي الانذار : 0%
السٌّمعَة : 0
تاريخ التسجيل : 13/07/2008

مُساهمةموضوع: رد: انا و الجواز و..........قفاك يا حبى   الأربعاء أغسطس 20, 2008 4:27 pm

وحياتك هيسيبك تنفضى و تقمعى
وادى دقنى
ابقى تفى عليها لو قمع

شكرا لمرورك انتى و احمد

_________________


خايفة اكون عايشة فى كدبة...و من حلاوتها خلاص صدقت
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا و الجواز و..........قفاك يا حبى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الأحباب :: «®°·.•¸°§ تعارف ودردشة §°.•¸.°®» :: دردشة وفرفشة-
انتقل الى: